Nagsugod na ang pagpatigayon sang Lakbay Alalay para sa UNDAS 2025 sang Department of Public Works and Highways sa duha ka sementeryo sa ciudad sang Bacolod.
Sa interview sang Bombo Radyo Bacolod kay Engr Janie Rose Tabaodaja, nakaligad nga tuig apat ang ila nga area apang sa karun ini ang gincompress sa duha.
Sila ang nakaplastar sa national highway sa atubang sang Rolling Hills Memorial Park kag sa atubang sang Bacolod Memorial Park.
Sila ang nagsugod subong nga adlaw Oktubre 31 tubtob na sa Nobyembre 2.
Ang ila nga tinutuyo amo ang magihayan ang mga motorista karun nga tigkalalag.
May mga nadeploy naman sila nga quick response team sa mga strategic places.
Subong nga adlaw, medyo madamo damo naman ang nagakadto sa Bacolod Memorial Park.
May-ara man sang mga canopy nga natukod sa area agud nga may mapasilungan ang mga bisita sa sementeryo kag may ginplastar man nga mga portalets.
Ang mga DPWH personnel ang may nakahanda man nga kape kag biscuit nga libre ginahatag sa mga magalabay nga motorista.
Sila ang nagacheck man sang blood pressure kag may natigana man nga first aid kit.
May isa na sila nga narespondihan matapos nga may nagtabok agud magbakal kuntani sang bulak nga ihalad sa iya minata, sang ini ang mabungguan.
Ginapakamaayo nga minor lamang ang injuries nga naagom sang biktima.
Luwas sa DPWH, may mga nakadeploy man nga mga kapulisan kag personnel sang Bureau of Fire Protection.
