Kapin 100 mil pesos nga balor sang ginasuspetsuhan shabu ang narekober sa isa ka lalaki nga nadakpan sa buybust operation sa isa ka mall sa Brgy. 9 ciudad sang Bacolod kagab-i.
Isa ka elongated, lima ka big heat-sealed sachets sang suspected shabu ang narekober sa suspetsado nga ginkilala kay Glenn Descutido alyas Burnok sang Brgy. 22, Bacolod City apang nagatiner karun sa Brgy. Vista Alegre.
Nadakpan si Descutido sa stall sang E-Games sa 888 Chinatown Square kun sa diin magluwas sa suspected shabu narekober man diri ang isa ka coin purse, isa ka improvised tooter kag P500 nga buy-bust money.
Suno sa hepe sang Bacolod Police Station 2, Chief Inspector Benedicto Villarias masobra man isa ka bulan ang pag-monitor nila sa suspetsado.
Nakakuha ang Police Station 2 sang impormasyon sa transaction ni Descutido bangud sa una na nila nga mga operasyon kag mismo pila ka tenants sa mall ang naghatag man sang impomasyon.
