Dead on the spot ang isa ka lalaki matapos nga ginluthang sa Brgy 6, Bacolod City, Negros Occidental, subong nga gab-i
Sa interview sang Bombo Radyo sa vendor sa area, madugay na sini nga kilala ang biktima nga ginabanta naga-edad sang 24 anyos bangod ini ang masami nga nagabakal sang juice sa ila.
Kaina, bangod nga break time sang biktima sa trabaho sini, nag-utang ini sang buko juice kaupod ang iya abyan nga kaupod man sa tarabaho.
Suno sa manugbaligya, matapos sini nga ginhatag ang juice nagtinir pa sang makadali ang biktima kag abyan sini.
Apang, nagsulod ang manugbaligya sa tindahan sini kag didto na nakabati sang isa ka lupok.
Paggwa sini, iya nakit-an ang abyan sang biktima nga nagpadulong sa iya kag naghambal nga gintiro ang biktima sang isa ka lalaki.
Nakita sini nga nanaog sa motorsiklo ang suspek kag gintiro ang biktima sang isa ka bes.
Gilayon man nga nalagyo ang suspek sakay sa motorsiklo.
