Nag-umpisa na kahapon ang artistic swimming competition kahapon sa Paris 2024 Olympics nga may isa ka dako nga pagbag-o kumparar sa mga nauna nga hampang bangud ang mga lalaki ang mahimo na nga magpakasakop.
Sa idalom sang bag-o nga pagsulundan, gin-anunsyar sang International Olympic Committee sang December 2022, maximum nga duha ka mga lalaki ang mangin kabahin sang eight-athlete team event, apang indi sa two-athlete duet event.
Apang, nanotisyahan sang kadam-an ang pagbag-o bangud wala sang bisan isa ka lalaki ang ginpili sa 96 ka mga atleta gikan sa 18 ka pungsod ang natalana nga magpaindis-indis sa pool.
Ang artistic swimming , ang kilala bilang synchronized swimming antes pa man gin-islan ang pangalan sang 2017, ang may malaba kag kumplikado nga kasaysayan pag-abot sa pagpasakop sang mga lalaki.
Ang nasambit nga sport ang nakilala sa Estados Unidos sa first half sang 20th century kag sa mga nauna nga tion, ang mga lalaki ang nagahampang sang gin-establisyar nga role.
Apang ang mga male competitors ang nakita sa ulihi nga indi angayan sa sports bangud sa pila ka mga physical characteristics kaangay lamang nga sila ang mas mabug-at kag less flexible bangud nabudlayan ang mga ini sa leg extensions kag less bouyant sangsa mga babayi nga counterparts.
Sang una nga ginlakip ang artistic swimming sa Olympics sadtong 1984, ang mga babayi lamang ang ginapahanugutan nga magpaindis-indis kag indi ang nagpabilin sa sulod sang 40 anyos.
Natuman na ang handum lamang sadto sang 45 anyos nga si Bill nga isa ka American swimmer sa Paris Olympics, apang wala siya napilian para sa Team USA squad nga gin-anunsyar sang Hunyo.
Ang walo ka mga babayi nga napilian ang mangin kabahin sang bag-o nga event sa acrobatic routine nga gindugang sa subong nga tuig nga program kalakip na ang technical kag free routines.
Isa pa sa ginbag-o amo ang update scoring system kun sa diin ang mga scores ang pagakuhaon sa execution kag artistic impression.
Ang mga coaches ang kinahanglan nga maghatag sang card nga may nakasulat nga routine agud nga ang mga judges ang makaassign sang difficulty score.
Sa tion nga ang routine ang wala magmatch sa card ukon may sala, ang atleta ang iga markdown
May yara sang kabug-usan nga anum ka medal nga madag-an ang mga atleta kun sa diin ang China ang isa mga favorites nga makakuha sang gold lunsay sa duet kag team events suno sa Olympics website.
Japan, ang US, Spain kag Ukraine ang balantayan samtang ang Mexico naman ang magadebut sa Olympic artistic swimming.
Ang competion ang nag-umpisa kahapon, Agosto 5 kag magapadayon tubtob sa Agosto 10 kun sa diin sa Agosto 7 ang medal events sang team competition samtang sa Agosto 10 naman para sa duets.
