Magkatuhay nga reaksyon online ang nakuha sang pagreport sang isa ka lalaki sa China.
Ini kasunod nga ginbalibaran ini sang masobra 10 ka mga pabrika nga iya gin-applyan bangud sa pinasahi nga korte sang iya guya.
Suno sa nagalapta nga mga report, si G. Zhang, isa ka residente sang Henan, China ang nagkadto sa Zhejiang Province agud magpangita sang trabaho kag suportahan ang iya mga kabataan kag mga ginikanan.
Apang, ginpahayag ni Zhang nga sulit-sulit siya nga ginbalibaran sang mga pabrika bangud daw kaangay roblox ang iya itsura.
Bangud sini, nagpabutyag siya sang iya pagkadismaya kag ginpamangkot kun ngaa wala siya ginhatagan sang tsansa nga magtrabaho base sa iya ikasarang.
Madamo naman ang nagpahayag nga indi basehan ang itsura kundi dapat ang ikasarang, eksperyensya, kag mga kwalipikasyon sang isa ka aplikante.
