Isa sa apat ka mga lalaki ang nadakop sa akto nga nagpangawat sang tatlo ka kaha sang softdrink sa isa ka cafe and event place sa syudad sang Silay, kapin alas-2:00 sang Huwebes sang kaagahon.
Ang insidente ang natabo sa Balik Tanaw Cafe and Event Place sa Locsin, Barangay 5, Silay City, Negros Occidetal.
Ang mga suspetsado ang nakilala naman nga sanday Russel Amit, 21 anyos, nga amo ang nadakpan, kasubong man sanday Rodney Aquino, Roniel Salbatona kag alyas Kenneth, lunsay mga lalaki kag legal ang edad kag mga residente sa Sitio Berano, Barangay Lantad, Silay City.
Nahibaluan nga ginpilit sang apat ka mga suspetsado nga masulod ang lugar pinaagi sa pagbuka sang glass window sang establishimento.
Nakuha sang mga ini ang tatlo ka kaha sang softdrink nga nagabalor P815, cellphone nga balor P7,000 kag P2,000 nga cash.
Si Amit ang mahimo nga madakop sang Silay City Police Station bangod natabuan man nga nagapatigayon ang mga ini sang mobile patrol, apang nahimo naman nga makapalagyo sang tatlo ka iban pa.
Ginapakamaayo naman nga nahimo sang mga ini nga mabawi ang mga ginkawat nga mga pagkabutang.
