Ginpamatud-an sang French cyclist kun ano ang kalayo ang sarang malab-ot sang matuod nga pagpalangga.
Ini matapos ginbisekleta ni Frederic de Lanouvelle ang 5,850 kilometro sa nagkalain-lain nga bahin sang France.
Sa baylo nga basta nalang magbisikleta sa bilog nga France, ginplanohan sini ang iya nga ruta agud makahimo sang dako nga laragway sang isa ka bulak nga mahimo makita kun lantawon sa GPS map.
Ang GPS artwork sini ang gintawag nga “La Fleur de l’Espoir” ukon The Flower of Hope.
Ini bangud kada dalan, liko kag kilometro ang kabahin sang isa ka dako nga laragway sang bulak nga nagasimbolo sang paglaum, pagpalangga kag pagdumdom para sa tawo nga nagsuprer sang Alzheimer’s kag dementia.
Ginahalad niya ini sa iya iloy kag bilang pamaagi man agud mapataas ang awareness sang milyon-milyon nga pamilya sa bilog nga kalibutan nga nagapakigbato sa dementia.
Ang artwork man sini ang nakakuha sang Guinness World Record para sa pinakadako nga GPS drawing nga ginhimo sang isa ka persona gamit ang bisikleta.
