NEWS UPDATE: Nadakpan na sang mga kapulisan sang Silay City Police Station si Regie Illustrisimo ang naglabo kay Jeffrey Jimena.
Pilason ang 33 anyos nga lalaki matapos ginlabo sa Hda.Marvi, Brgy. Rizal, Silay City, alas-3:25 kaina sang hapon.
Ang suspect ang ginkilala nga si Regie Illustrisimo samtang ang biktima naman amo si Jeffrey Jimena, lunsay mga residente sang nasambit nga lugar.
Sa impormasyon nga nakuha sang Bombo Radyo Bacolod, nagahampang sang basketball si Regie samtang ang referee amo ang magulang sini nga si Nicolas Illustrisimo Jr.
Nagluntad ang argumento sa tunga sang mag-utod bangod wala nakumporme si Regie nga wala nag-call sang foul ang iya magulang.
Nagpalapit si Jeffrey para magtambag apang ginka-akig ini ni Regie.
Nagpauli si Regie para magkuha sang binangon kag sa pagbalik sini, iya ginlabo ang asawa ni Jeffrey apang nasalawid ang binangon sa halayan sang bayo.
Gintinguhaan ni Jeffrey nga buligan ang iya asawa amo nga nalab-ot ang iya tudlo sa nato-o nga kamot.
Samtang, gilayon naman nga nalagyo si Regie sa kampo.
Nadakpan na sang mga kapulisan sang Silay City Police Station si Regie Illustrisimo ang naglabo kay Jeffrey Jimena. Silay City Police sa suspect.
Sa karun nakahunong na si Regie sa nasambit nga police station.
