Nasalbar sang peronnel sang 1 st Negros Occidental Provincial Mobile Force Company ang nalunod nga lalaki sa Malogo River, Barangay E Lopez, Silay City, kahapon sang udto.
Samtang, nakapwesto sa Police Assistance Desk sa nasambit nga lugar si Police Lieutenant Arvie Esquillo naka notisyar nga may isa ka lalaki nga nagakalunod.
Gilayon ini nga nagdalagan padulong sa suba kaupod sanday PLt Janry Estuaria, Plt Ritz Field Presquito kag Police Corporal Renan Leonardo agud buligan ang biktima kag mahatagan sang Fisrt Aid.
Yara man ang Silay Disaster Risk Reduction and Management Office nga gilayon nagperform sang Cardio Pulmonary Resuscitation (CPR) sa biktima.
Bangod sa effort sang 1 st NOCPMFC kag Silay CDRRMO, nasalbar ang biktima nga gilayon nga gindala sa malapit nga ospital agud mahatagan sang nagakaangay nga pagbulong.
