Nasapwan nga wala na sang kabuhi ang isa ka wala pa makilal-an nga lalaki sa iya nga trasyikad sa South Capitol Road, Bacolod City pasado alas-8:00 subong nga aga.
Ang biktima ang ginabanta naga-edad sang 50.
Sa interview sang Bombo Radyo kay PLt Conan Gadayan, Officer in Charge sang Bacolod Police Station 2, ginpahayag sini nga gindala na sa ambulance ang biktima kag ginahulat nalang ang resulta kun natural death ang gintunaan sang kamatayon sini kag kun ano gid ang natabo.
Wala man sang may narecover sa area.
Pahayag ni Gadayan nga padayon pa nga ginatumod ang idenity sang biktima.
Suno naman sa nakasaksi nga si alyas “Ana”, ang biktima ang isa ka traysikad driver kag masami niya nga makita nga nagaplastar sa bahin sang South Capitol Road.
Indi niya ini personal nga kilala apang ginasugo niya ini kun kaisa.
Nakibot na lamang siya nga wala na ini sang kabuhi samtang nagatulog sa iya mismo traysikad.
Suno kay Ana, wala man sang may nakita nga pilas sa traysikad driver.
