Ginpatay kag ginwigit sa higad sang highway sa Hacienda San Jose, Barangay Damgo, banwa sang EB Magalona, Negros Occidental ang lalaki nga gin-abduct sa Purok Boulevard, Barangay 13, ciudad sang Bacolod kagab-i.
Sa interview sang Bombo Radyo kay Police Captain Eric Doronila, hepe sang EB Magalona Municipal Police Station, duha ka lalaki nga nagajogging ang nakakita sang bangkay antes ang alas-6:00 kaina sang aga.
Naputos sang sako ang ulo sang lalaki, ini ang nagasuksok sang blue nga shorts, jersey nga bluepink, niwangon ang panglawason, may tattoo sa iya natuo kag nawala nga paa kag tribal tattoo naman sa nawala nga kamot kag nagasuksok sang singsing.
Santo sa ila inisyal nga pagtsekyar, may yara sang igo sang bala ang biktima.
Subong nga hapon, natumod sang mga kapulisan nga ang biktima amo si Julius Dumip-ig, 33 anyos kag residente sang Purok Malipayon, Barangay 35, ciudad sang Bacolod.
Suno kay Police Major Ramel Sarona, station commander sang Bacolod Police Station 1, nagparecord kagab-i ang live-in partner ni Dumip-ig nga gin-abduct ini sa ila balay sa Purok Boulevard, Barangay 35, Bacolod City.
Santo sa rekord, si Dumip-ig ang may yara sang kaso nga robbery, may yara man sa illegal nga druga kag may yara pa sang kaso nga nagapabilin sa prosecutor’s office nga ginahulat pa ang resolution.
