Patay ang isa ka lalaki matapos nga malumos sa suba sa Sitio Batang, Barangay Talaban, Himamaylan City, Negros Occidental sang Enero 18, 2026.
Ang biktima ang ginkilala nga si alyas “Boyboy,” ginabanta nga yara sa 50-anyos.
Sa interview sang Bombo Radyo Bacolod kay Lt. Col. Anthony Grande, hepe sang Himamaylan City Police Station, pasado alas-8:00 sang aga, nakit-an ang biktima nga nagahigda lapit sa suba kag ginalegar hubog bangud sa iya nga hulag.
Suno sa nakakita sa iya nga isa ka kagawad sa lugar, naglumpat ini sa suba kag wala na nakabutwa pa.
Ang kagawad nga si alyas Abok ang gilayon nga nagpangayo sang bulig para marescue ang lalaki.
Nagpatigayun sang retrieval operation ang mga otoridad kalakip na ang Philippine Coast Guard kag narekober ang lawas pasado alas-9:00 sang aga sa pareho nga adlaw.
Pahayag ni Grande, nga ginkumpirmar sang himata sang biktima nga ini ang indi hubog, sa baylo may-ara sang deperensya sa paminsaron.
Gindala pa ang biktima sa ospital apang gindeklara na nga dead on arrival.
