Patay ang isa ka lalaki nga ginapahayag may deperensya sa paminsaron matapos nga ginlabo kag ginbuno sang iya utod sa Brgy Quintin Remo, Moises Padilla, Negros Occidental sang Setyembre 13, 2026 sang gab-i.
Sa interview sang Bombo Radyo Bacolod kay Police Major Ryan Villasario, Officer in Charge sang Moises Padilla Municipal Police Station, ginkastigo sang biktima ang amay sini kag gintinguhaan nga tambagan sang suspek nga iya man manghod apang sabaylo nga magkalma gin-atake pa niya ini kun sa diin nagtapungulay kag nagresulta sa pagpanglabo kag pamuno.
Ang biktima ang nakaagom sang pilas sa nagkalain-lain nga bahin sang lawas.
Suno kay Villasario, nakahunong na ang suspek sa Moises Padilla Municipal Police Station kag siya ang natalana man nga makagwa matapos ang reglementary period matapos nga indi na magpasaka sang kaso sa suspek bangud mag-utod lamang ang mga imbulbado.
