Ginkumpirmar sang pinuno sang City Investigation and Detective Management Unit (CIDMU)-Bacolod City Police Office nga bana sang konsehal sa ciudad sang Bacolod ang gina-alegar nangkastigo sa Rosario-Locsin Street sakop sang Bacolod Police Station 1.
Madumduman nga temporaryo nga gin-relieve sa pwesto si Police Captain Francis Depasucat nga nagaserbe bilang station commander sang Bacolod Police Station 1 kag duha ka pulis nga may ranggo nga Police Executive Master Sergeant kag patrolman.
Ang desisyon ang gindagdag matapos nga may isa ka persona nga nanawag sa Bacolod Police Station 1 bangod may-ara sang nagakastigo sa iya kag gina-alegar nga apisar nga padayun nga ginakastigo ang biktima, wala sang may ginhimo ang mga pulis.
Sa interview sang Bombo Radyo kay Police Major Junji Liba, kumpirmado na nga gina-alegar nagpangkastigo amo ang bana sang isa ka konsehal apang indi pa mapagwa ang pangalan sini bangod padayon pa man ang imbestigasyon.
Suno diri, gina-alegar nga may yara sang armas-luthang ang bana sang konsehal kag kun ini mapatud-an mahimo nga madagdagan ini sang kaso nga grave threat.
May yara man sang video nga nakit-an nga yara gid man ang presensya sang mga kapulisan apang indi pa sini makumpirmar kun wala gid man naggiyo ang mga kapulisan bangod indi klaro ang video.
Suno pa diri nagpacify man ang mga pulis apang ulihi na nila subdue ang suspek kag nag-abot na sa punto nga napatup-an na ang nagreklamo.
