Patay na sang masapwan ang isa ka lalaki nga gina-alegar may deperensya sa paminsaron sa siyudad sang Talisay.
Suno kay Police Chief Master Sgt. Reginaldo Suelto, imbestigador sa Talisay City Police Station, kagab-ihon sang nagbugtaw ang iloy sang biktima sangnatalupangdan sini nga wala ang iya nga bata sa iya nga tululugan.
Gani gilayon man nga nagbangon ang mag-asawa para pangitaon ang bata.
Apang nakit-an na lamang ini sa hilamonan nga bahin sang ila nga lugar kag wala na sang kabuhi.
Nakit-an nga may pilas ini sa agtang kag may armas-luthang sa iya nga tupad.
Nahibaluan nga may ara sang maintenance nga bulong ang biktima para sa pampakalma sa iya nga paminsaron.
Santo sa mga ginikanan sang biktima, nakaagi na nga nagpamuno ang ila nga bata bangod may nagakabatian ini sa paminsaron nga nagahutik sa iya.
Gani gin-alegar nga suicide ang rason sang pagkamatay sang biktima apang ginahulat pa ang kumpirmasyon gikan sa post-mortem examination.
