Patay ang isa ka lalaki matapos gintiro sang wala makilal-an nga suspetsado nga nagasakay sa motorsiklo sa JJJ Lobaton Bldg. Araneta St., Barangay Tangub, Bacolod City, Negros Occidental sang Sabado kapin alas-11:00 sang gab-i.
Sa interview sang Bombo Radyo Bacolod kay Police Captain Greeky Cayao, station commander sang Bacolod Police Station 8, nagapungko lamang sa motorisklo ang biktima samtang may ginahulat sang may nag-abot nga lalaki nga nakatabon ang nawong sakay sa motorsiklo kag hinali lang nga gintiro ang biktima.
Nag-agom sang igo sa ulo kag liog ang biktima nga gintunaan sang gilayon sini nga kamatayon.
Narecover naman sa biktima ang apat ka heat sealed transparent sachet sang suspected shabu kag kwarta nga P950 sa nagkalain-lain nga domination kag isa ka empty sachet sang non-drug item.
Nagapadayon sa karun ang imbestigasyon sang mga kapulisan sa nasambit nga insidente, apang ang ginalantaw nga motibo amo ang may kaangtanan sa illegal nga druga.
