Ginbawian na sang kabuhi ang lalaki nga ginluthang samtang naga-inom inom sa Purok Kagaykay, Brgy 2, Bacolod City, sang Biyernes sang gab-i.
Ang biktima ang ginkilala nga si Leunel Cabrera, yara sa legal nga edad, single, laborer kag residente sang nasambit nga lugar.
Sa interview sang Bombo Radyo Bacolod kay Police Major Eugene Tolentino, station commander sang Bacolod Police Station 2, una na nga gindala sa hospital si Cabrera apang ini ang ginbawian sang kabuhi santo sa inisyal nga impormasyon nga ila nabatun.
Suno kay Tolentino, wala pa sini nakita ang resulta sang medical examination gani wala pa mahibaluan kun sa diin ang igo sang biktima.
Una na nga ginpahayag ni Tolentino nga nagahampang sang online gambling ang biktima kag nag-inom inom sa sulod sang iya balay.
Suno diri, ginpalusot sang suspek ang iya armas sa bintina kag gintiro ang biktima sa liog.
Ang suspect ang gina-alegar nakasuksok sang itom nga jacket.
Sa karun padayon pa ang ila nga imbestigasyon kag may yara man sila sang person of interest.
