Bilang tawo, natural lamang ang makasala apang paano kun ini nga sala ang nakatuga sang dako nga pagbag-o sa kabuhi sang isa
Kaangay lamang sang isa ka lalaki nga nakuhaan sang sag-ang ukon jaw sa baylo sang nga wisdom tooth kag cyst matapos nga nasal-an nga ini ang pasyente nga may makamamatay nga tumor.
Sa report, nagpadulong ang 35 anyos sa Umberto I Dental Clinic sa Rome agud nga ipakuha ang iya wisdom tooth kag cyst.
Pagkatapos nagpaidalom sa biopsy sa cyst, ginhambalan ang lalaki nga malignant ini gani kinahanglan nga kuhaon ang iya nga jaw ukon sag-ang paagi sa surgery.
Bangud sini, may yara na ini sang permanente nga guba sa iya nawong, partikular na sa natuo nga bahin sang iya baba.
Makaligad ang isa ka bulan, nakibot ini sang nahibaluan sa iya follow-up tests nga negatibo ang tumor kag ginhambalan ini nga indi na kinahanglan nga magpaidalom sa chemotheraphy.
Nagpangayo ini sang second opinion sa lain nga laboratory kag nahibaluan nga wala siya sang makamamatay nga tumor kag indi man kinahanglan nga operahan ini.
Sang ulihi, nahibaluan niya nga nasal-an lang ini nga pasyente nga may malignant tumor sa sag-ang.
Bangud sini, nagpasaka siya sang kaso kag sa karun, gina-imbestigaran na ang amo nga medical mix-up.
