Matambag man lang kuntani ang 24 anyos nga lalaki sa komosyon nga natabo sa Purok 4, Barangay 41, Bacolod City apang ini ang nabun-an sa tunga sang gamo.
Ang biktima ang ginkilala nga si Jeremie Mata, 24 anyos samtang ang suspetsado naman amo si Jose Garcia, 21 anyos, lunsay mga residente sang nasambit nga barangay.
Sa interview sang Bombo Radyo kay Police Captain Greeky Cayao, commander sang Bacolod Police Station 4, nagselebrar sang kapistahan kahapon ang Barangay 41 kag sang papauli na ang biktima, nakita sini nga may yara sang komosyon nga nagluntad.
Nagpatunga ini sa komosyon agud magtambag kag pauntaton kuntani ang gamo apang ini ang nabun-an.
Sa karun, yara na sa stable condition ang biktima nga nag-agom sang buno sa wala nga bahin sang dughan gamit ang ice pick samtang ang suspetsado naman ang yara sa kustodiya sang kapulisan.
