Ginkilala sang Guinness World Records ang isa ka lalaki sa Malaysia bangod may ara ini sang 42 ka bilog nga unto, 10 ka unto ang masobra kun ipaanggid sa normal nga tawo nga may 32 ka unto.
Suno kay Prathab Muniandy, 33 anyos, sang 2021 una niya natalupangdan sang naghambal ang iya pamilya nga daw may nagtubo nga dugang nga unto sa iya baba.
Gintsekyar nila ini kag nakita nga 38 kabilog ang iya nga unto sadto.
Sang nagpa x-ray si Muniandy sa dentista, nakita nga may apat pa gid ka unto nga magatubo palang.
Sang 2023, may ara na ini sang kabug-usan nga 42 ka unto.
Samtang, sa pag-usisa sa dentista para sa iya Guinness World Record application ginkakibot sini nga naghambal ang dentista nga may duha naman ka dugang nga unto ang nagatubo sa iya baba.
Opisyal siya nga ginkilala sa Guinness World Record bilang may pinakadamo nga unto sa lalaki.
