Arestado ang isa ka persona matapos maaktohan nga naga-ula sang liquid waste kag used oil sa baybayon nga sakop sang Barangay Zone 6, Cadiz City, Negros Occidental.
Nagpatigayon sang foot patrol ang Maritime Law Enforcement sa ciudad sang Cadiz kun sa diin nadakpan ang isa ka persona nga nagahaboy sang liquid waste gikan sa makina sang bangka derekta sa baybayon.
Ang insidente natabo sa ginabanta 6 km ang kalayoon sa estasyon.
Ginpahibalo sa nadakpan ang indi husto nga paghaboy sang liquid watse sa suba, sa sapa, kag sa kadagatan magaresulta sa water pollution kag ini delikado sa ikaayong lawas sang tawo, kasubong man nga makaapekto sa palibot kag ekonomiya.
Ang nadakpan ginrefer na sa Cadiz City Environment and Natural Resources Office (CENRO) para sa penalidad nga paga-atubangon sini.
