Patay ang 35 anyos nga lalaki matapos ginluthang sang iya kaugalingon nga amay bangod sa iya pagmaoy sa Purok 5, Sitio Batacon, Brgy Masaling, Cauayan, Negros Occidental.
Ang biktima ginkilala kay Jose Pillega, 35 anyos, mamumugon, kasado; samtang ang suspetsado amo si Pedro Pillega, 64 anyos, amay sang biktima kag residente sang nasambit nga lugar.
Sa imbestigasyon sang Cauyan Municipal Police Station, nabatian sang mga residente sa nasambitan nga sitio nga nagamaoy si Jose Pillega sa balay sang iya amay tubtob nga hinali na lamang nga nakabati sang apat ka lupok.
Nakaangkon ang biktima sang pilas sa iya lawas kag ini ang gindala pa sa pinakamalapit nga ospital apang gindeklarar nga dead on arrival.
Nakumpirmar naman nga mismo ang amay ang nagluthang sa iya bata gamit ang Cal. 45 pistol.
Ginapahayag nga madugay na nga wala pag intiyendihanay sa mag-amay nga ginalantaw motibo sa pagpangluthang.
Sa karun si Pedro Pillega ang yara sa kustodiya sang kapulisan kag magapangutang sang kaso nga parracide.
