Patay ang isa ka lalaki matapos naluthangan sang nagresponder nga pulis sa banwa sang Ayungon, Negros Oriental kahapon.
Alas-12:00 sang udto kahapon sang nagresponder ang Ayungon Municipal Police Station sa Sitio Layawan, Brgy. Amdos, Ayungon sa nagamaoy nga biktima nga ginkilala kay Lonito Deatras, 32-anyos, residente sang nasambit nga lugar.
Armado pa si Deatras sang sanggot kag kabilya.
Nahibalu-an nga antes pa man nagresponder ang mga pulis, may ginpatay na ang suspetsado nga nangin biktima, nga isa ka nayon nga baboy.
Sang nag-abot ang kapulisan, gintuyo nga pasungkaon ni Corporal John Paul Gantalao apang wala ini nagpamati gani nga naluthangan ini.
Gindala pa ang biktima sa Bindoy District Hospital apang gindeklarar ini nga dead on-arrival.
