Napatay ang isa ka lalaki sa Michigan nga na-infect sang rabies matapos magpaidalom sa kidney transplant.
Sang Disyembre 2024, nakabaton ang lalaki sang left kidney halin sa napatay na nga donor sa Idaho.
Nangin madinalag-on ang procedure apang matapos ang lima ka semana, may mga sintomas ini nga naeksperyensyahan.// Nakabatyag ini sang pagpangluya, paglingin sang ulo, hilanat, hydrophobia kag autonomic nervous system dysfunction.
Gindala pa ini sa ospital apang ginbawian sang kabuhi matapos ang isa ka semana.
Sa test nga ginpatigayon, natukiban nga may rabies virus sa iya laway kag brain tissue nga indi maintindihan sang pamilya bangod wala ini makaagi tandog sa mga sapat nga mahimo ginhalinan sang nasambit nga balatian.
Gintun-an sang mga doktor ang kidney nga gintransplant sa lalaki kag didto nahibaloan nga ang nagapanag-iya sang kidney napilasan sang karus sang skunk.
Nacoma ini kag wala na nahimo nga magbugtaw pa.
Matapos nga gindeklarar nga brain-dead, nagdesisyon ang pamilya sini nga idonate ang iya kidney, corazon, baga, kag corneas.
May tatlo ka tawo nga nagbaton sang corneal transplants halin sa donor nga liwat ginpaidalom sa operasyon agud kakason ang mga transplants.
