Ginkumpirmar sang Talisay City Police Station nga indi gwardiya sa gina-agawan nga duta sa Hacienda San Antonio 2, Barangay Dos Hermanas, Talisay City, Negros Occidental ang nanaya kag nagpalupok sang armas-luthang sa isa sa mga Comprehensive Agrarian Reform Program (CARP) Beneficiaries.
Sa interview sang Bombo Radyo Bacolod kay Police Major Jim Jocson, deputy Chief of Police sang Talisay City Police Station, nagpasa na sang certification ang RCP Security Agency nga indi nila miyembro si Jose Aluntaga Jr, Alyas Jojo ukon Alyas Cesar Castro, 68 anyos, nga nagtaya kag nagpalupok sang armas-luthang sa isa mga Comprehensive Agrarian Reform Program (CARP) Beneficiaries may kaangtanan sa gina-agawan nga duta nga ginaclaim naman nga ginapanag-iyahan sang negosyante nga si Paul Chang.
Suno diri si Aluntaga ang indi affiliated sa gwardiya kag wala man affiliation sa ciudad sang Talisay gani ginahibalo nila sa karun kun diin ini affiliated.
Suno diri, ang mga nakauniform sang blue nga makita sa video ang security sang nasambit nga duta.
Ginahibalo man sang mga kapulisan ang role ni Aluntaga kun ngaa ato to siya sadtong tion kag nagpanaya kag nagpalupok sang armas-luthang.
Madumduman nga napasakaan sang kaso si Aluntaga kag nagapangatubang na sang kaso nga grave threat in relation to Republic Act 10591 ukon Comprehensive Firearms and Ammunition Regulation Act kag paglapas sa Comelec Gun Ban.
