Magapangatubang sang tubtob lima ka tuig nga pagkapriso kag penalidad nga $6,700 ukon kapin P410,000 ang isa ka 40-anyos nga lalaki matapos mag-post sang AI-generated nga litrato sang isa ka wolf nga naka-eskapo sa zoo, suno sa mga otoridad.
Naglapta ang peke nga litrato matapos makagwa ang isa ka lobo naggikan sa Daejeon Zoo, sa South Korea, nga nagtuga sang kabudlayan sa pagdakop sini nga naglab-ot sa siyam ka adlaw.
Bangud diri, temporaryo nga suspendido ang mga klase sa mga buluthuan kag nagpatigayon ang mga otoridad sang malapad nga operasyon sa nasambit nga lugar.
Suno sa lalaki nga nagpalapta sang AI nga litrato, ginhimo lamang niya ini “for fun”, apang ginpahayag sang mga otoridad nga nagtuga ini sang dako nga halit kag nauyang ang mga resources.
Apang nakit-an naman ang lobo pila ka adlaw pa ang nakaligad.
