Ginpabalik na sa pamilya sini ang ginrescue nga lalaki nga nagsaka sa poste sa Circumferential Road, Barangay Taculing, ciudad sang Bacolod, Miyerkules sang aga, Septyembre 25.
Ginkilala ang lalaki kay Pio Vallez, 28 anyos, residente sang nasambit nga barangay.
Sa interview sang Bombo Radyo Bacolod kay Police Captain Peter John Ramos, Station Commander sang Bacolod Police Station 6, yara na sa maayo nga kahimtangan ang isa ka lalaki matapos marescue kaupod ang katapo sang Bacolod City Fire Station kag mga responders.
Suno kay Ramos, ginturn-over na nila ini sa responder agud nga madala na pauli sa iya pamilya.
Suno diri nga santo sa panaysayon sang mga witness, mahimo nga nasup-ay ang lalaki rason nga nagsaka ini sa poste sang kuryente.// Ginapahayag man nga may yara ang lalaki sang record nga kaso nga theft sa Police Station 6.
