Ang mga ido ang mapinalanggaon kun sila ang ginaatipan sang maayo apang kun sila gani ang ginapintasan ang nagapintas man.
Sa isa ka video nga naglapta sa social media, makita nga ginasipa sang lalaki ang ido samtang yara ini sa kilid sang dalan.
Apang matapos ang insidente, nakita na lang sang lalaki nga ginakagat kag ginaguba na sang ido ang pila ka bahin sang iya nga salakyan.
Bangud sini madasig nga naglapta online ang video kag nagkuha sang magkatuhay nga reaksyon nagikan sa netizens.
Suno sa iban mahimo nga nagbalos ang ido.
Samtang ang iban naman ang nagpahayag nga indi dapat pagsakiton ang mga sapat bangud nagabatyag man sila sang sakit kag kahadlok.
Madamo ang naluoy sa ido kag nagpahayag nga mahimo nahadlok ukon nasakitan lamang ini gani amo yadto ang nangin reaksiyon.
Sa tunga sang naglapta nga video sang insidente, liwat nga nagpahanumdom ang kadam-an sang importansya sang maayo kag tawhanon nga pagtrato sa mga sapat.
