Patay ang isa ka lalaki nga nakamotorsiklo matapos ginluthang sang tatlo ka mga suspetsado nga sakay sa pribado nga salakyan sa Barangay Baliwagan, banwa sang San Enrique alas-3:45 kaina sang hapon.
Ginkilala ang biktima nga si alyas Elmer, legal ang edad nga residente sang nasambit nga lugar.
Sa interview sang Bombo Radyo kay Police Major Rosinie Cabuena, hepe sang San Enrique Muncipal Police Station, ginsundan sang mga suspetsado ang biktima samtang nagamaneho sang iya motorsiklo kag hinali lang nga ginluthang.
Si Elmer ang nakaagom sang igo sang bala sa iya likod kag ulo nga nagresulta sang iya kamatayon.
Kasunod sini, gilayon nga nagpatigayon sang hot pursuit operation ang mga otoridad kag nagrequest sang dragnet operation katupad nga police station.
Natigayon nga na-intercept sang mga kapulisan ang mga suspect sa Purok Crossing La Carlota, Barangay Don Jorge, Bago City.
Ini bangud suno kay Cabuena, nakita sang mga kapulisan nga may igo sang bala ang windshield sang salakyan sang mga supect gani sila ang ginparahan.
Narecover ang isa ka KG9 9mm, isa ka norinco 9mm, kag mga bala sa sulod sang salakyan sang mga suspect.
