Nadakpan kag napasakaan na sang kaso ang lalaki nga nagbuno sang tricycle driver sa Purok Green Sheel Basurahan, Brgy. Zone 3, Talisay City, Negros Occidental sang Sabado, Pebrero 15 sang gab-i.
Ang biktima ang ginkilala kay Alfredo Chome, 56 anyos, kasado kag ang suspect ang ginkilala kay Gerwin Alib, 22 anyos, single kag lunsay mga residente sang Purok Green Sheel Basurahan, Brgy. Zone 3, Talisay City, Negros Occidental.
Sa interview sang Bombo Radyo Bacolod kay Police Major Rhazl Jim Jocson, Deputy Chief of Police sang Talisay City Police Station, santo sa imbestigasyon kag sa pahayag man sang mga nakawitness nga ang biktima ang nagadrive sang tricycle kag ang suspek kag kaupod sini ang nagalakat sa dalan nga diutayan lamang nga mabungguan sang tricycle.
Ginpundo sang biktima ang tricycle kag gin-approach ang suspek apang may nagluntad nga paglalisay kun sa diin ginbuno sang suspek ang biktima kag nagpalagyo.
Nakaagom sang pilas ang biktima sa tiyan kag nagapaayo na sa hospital.
Ang suspek ang nadakpan na kag nagapangatubang sang kaso nga frustrated homicide nga ginpasaka paagi sa inquest proceedings.
