Patay ang isa ka lalaki nga nangkumprontar matapos nga ginpulihan buno kag labo sang magtiyo sa Purok Tikoy-Tikoy, Brgy. Cabacungan banwa sang La Castellana sang Dominggo sang kaagahon, Nobyembre 17.
Ginkilala ang biktima kay Adonis Dapat, 32 anyos kag residente man sang nasambit nga lugar samtang ang mga ginatudlo nga suspek ang ginkilala nga sanday Romeo Cahigad, 27 anyos kag tiyo sini nga si Romy Cahigad 49 anyos, kag pumuluyo sang nasambit nga lugar.
Sa interviews sagng Bombo Radyo Bacold kay Police Major Rhon Darell Nigos, hepe sang La Castellana Municipal Police Station, una na nga ginsaway kag ginpaandaman ang biktima nga indi maghimo sang bagay nga indi magustuhan sang suspek.
Suno kay Nigos, pagka-kaagahon nagbalik ang biktima sa puluy-an sang suspek kun sa diin natabo ang una nga komprontasyon.
Ang suspek kag ang biktima ang ginapahayag nga magkaupod man sa trabaho sadto kag ginavalidate pa kun magbayaw ukon paryentehanay ang mga ini.
Nakaagom sang samad sa ulo kag sa dughan ang biktima.
Samtang, posible nga kaso nga murder ang pangatubangon sang suspetsado kag ini ang nafile naman sang mga kapulisan sa korte.
