Wala sa gihapon sang identity ang lalaki nga nasapwan nga wala na sang kabuhi sa purok Neptune, brgy Singcang-Airport, ciudad sang Bacolod, alas- 04: 50 kaina sang kaagahon.
Sa interview sang Bombo Radyo kay Police Lt. Col. Ramel Sarona, pinuno sang Traffic Management Office sang Bacolod City Police Office, ang biktima ang nagamaneho sang Yamaha Mio 125 nga wala sang plate number.
Suno diri, wala man sang ID ang biktima ukon mga documents nga makatumod sang identity sini.
Ang biktima ang nagikan sa Norte nga bahin padulong sa Sur nga dereksyon kag ini ang nagabyahe sang madasig tubtob nga na-overshoot ini kag nabunggo sa bato.
Nag-agom sang pilas sa ulo ang biktima samtang wala naman ini sang suksok nga helmet.
Ang biktima ang nagasuksok sang tshirt nga light blue, short nga puti, kag naka-tennis shoes.
