Wala sa gihapon sang identity ang lalaki nga nasapwan nga patay kag may madamo sang pilas tuga sang pagbuno sa isa ka kamalig sa Purok Villarosario, Barangay Alijis, ciudad sang Bacolod kahapon sang aga.
Sainterview sang Bombo Radyo Bacolod kay Police Captain Eduard Bolibar, wala sagihapon sang identity ang biktima kag ginahulat na lamang nila ang pamilya sang biktima nga magpakita ukon magreport sa police station agud nga makabulig sa pagtumod sang nasapwan nga bangkay.
Suno sa station commander, nagapadayon pa sa karun ang ila nga imbestigasyon sa nasapwan nga bangkay.
Suno diri, sa iya nga pagpangusisa wala sang nakakilala sa biktima gani posible nga indi ini residente sang nasambit nga lugar.
Ginpamangkot man sini ang mga station commanders sang iban nga police station sa syudad sang Bacolod kun may yara sang reported nga missing person sa ila nga area of responsibility apang lunsay negative ang nakuha sini nga sabat.
