Wala sa gihapon sang identity ang isa ka lalaki nga napatay matapos nga gindeklarar nga dead on arrival matapos ini nga nasapwan nga pilason sa Hacienda Gonzaga, Barangay Mansilingan, Bacolod City, kahapon alas 6:30 sang aga.
Ang biktima ang nasapwan sa kilid sang highway nga napalibutan sang katubuhan, kag tubtob sa karun wala pa sang identity.
Matapos ginreport sang isa ka concerned citizen, ini ang ginrespondihan sang Bacolod Police Station 7, kag sang makita nga may-ara pa sang ginhawa, ang biktima ang ginhingagaw dala sa Corazon Locsin Montelibano Memorial Regional Hospital gamit ang patrol car.
Apang ang biktima ang gindeklarar nga dead on arrival.
Ang biktima ang 5-foot-7 ang kataason, normal built, wala sang nakita nga tattoo sa lawas kag ginabanta yara sa 40 anyos.
Ang biktima ang nakasuksok sang sweatshirt nga itom kag grey nga shorts.
