Wala pa sa gaihapon sang may nag-claim nga himata sa lalaki nga pilason nga nasapwan sa Hacienda Gonzaga, Barangay Mansilingan, Bacolod City, nga gilayon man nga ginbawian sang kabuhi sang Enero, 31.
Sa interview sang Bombo Radyo Bacolod kay Police Captain Andy Ofalia, Station Commander sa Bacolod Police Station 7, tubtob sa karun, wala gihapon sang naka-identify sa bangkay.
Ini ang yara sa karun sa morgue sang Corazon Locsin Montelibano Memorial Regional Hospital.
Madumduman nga ang biktima ang nakit-an sang lalaki nga naglawig sang karbaw, nga nagahamyangon sa kilid sang dalan kag puno sang dugo ang nawong.
Sa pagresponder sang kapulisan, nakita nga preska pa ang samad sang biktima gani ini ang ginhingagaw sa ospital apang gindeklarar na nga dead on arrival.
Suno kay Ofalia, ang biktima ang may kataason nga 5-foot-7 ukon 5-foot-8, medium built ang lawas kag moreno ang panit.
Ini ang nakitaan sang tattoo nga pangalan “CHERRYL” sa nawala nga dughan.
