Nakilala na ang bangkay sang lalaki nga nasapwan nga naga-utaw utaw sa baybayon sang Purok Bayanihan, Barangay Banago, Bacolod City kahapon sang aga.
Sa interview sang Bombo Radyo Bacolod kay Police Major Armilyn Vargas, station commander sang Bacolod City Police Station 3, nakilala na ang bangkay nga nasapwan kahapon sang aga apang nakadtuan naman sang pamilya sa punerarya.
Ginkilala ang biktima nga si Junvee Soliman, 43 anyos, kasado, kag residente sang Purok Tulihaw, Barangay 16, Bacolod City.
Suno kay Vargas, ang biktima ang reported nga missing sa Bacolod Police Station 1.
Ginpahayag sang station commander nga ang biktima ang nagasuprer na nga daan sang nervous breakdown kag santo sa pahayag sang pamilya base sa interview sang imbestigador nga ang biktima ang broken-hearted man.
Nakadepende na sa pamilya kun luyag pa sang mga ini ipaidalom sa autopsy agud matumod ang matuod nga rason sa kamatayon sang biktima.
