Ginpahayag sang hepe sang Himamaylan City Police Station nga may yara sang isa ka iloy nga nagpadulong sa ila nga estasyon agud nga magreport nga nadula ang anak sini pagkatapos sang engkwentro sa Barangay Carabalan.
Ginpahayag nga ang bata sang nagreport ang gindala sang duha ka mga tawo nga nagsakay sa motorsiklo apang wala pa matumod kun sa diin ini gindala kag kun sin-o ang nagbitbit diri.
Sa interview sang Bombo Radyo Bacolod kay Police Lt. Col. Renante Jomocan, gin-abisuhan sang imbestigador ang iloy nga nagreport nga magpadulong sa Soledad Funeral Homes agud lantawon kun ang ginapangita sini nga iya bata ang nalakip sa apat nga napatay sa engkwentro kag kun indi magabalik ini sa police station agud nga iassists sa iya nadula nga anak.
Wala naman nakabalik sa police station ang iloy nga nagreport nga missing anak sini matapos ang nagluntad nga engkwentro sa tunga sang 94th Infantry Battalion sang Philippine Army kag New Peoples Army sang Miyerkules.
Samtang wala pa tubtob sa karun sang identity ang apat ka mga ginapatihan nga NPA nga napatay sa nagluntad nga engkwentro.
