Ginapatihan nga ginsulod kag ginpatay ang 82 anyos nga lalaki sa iya ginapakay-o nga balay sa Prk NEDF, Brgy Handumanan, Bacolod City.
Ang biktima ang ginkilala nga si Seigfredo Magalona, 82 anyos.
Sa interview sang Bombo Radyo Bacolod kay Rose Magalona, asawa sang biktima, ini ang nakita alas-7:30 subong nga aga.
Siya ang gintawagan lamang sang pastor nga nagaserbe contractor sa ginapakay-o nga balay.
Suno sa asawa, ang bana sini ang nagatulog sa balay nga anay boarding house nga ginpakay-o sang ila bata nga yara sa Dubai, kag ginpadugangan sang ikaduha nga panalgan.
Samtang siya ang yara naman sa isa pa nila ka balay sa Prk Zone 11, nga malapit lamang sa lugar.
Ginalantaw sini nga ginpatay ang iya bana bangod ang kwarto sang ila bata kun sa diin nasapwan ang biktima ang naabtan nga may nahigot nga alambre sa doorknob.
Indi man mahimo nga ang biktima ang naghigot sang alambre sa gwa, bangod ini ang nasapwan sa CR sa sulod sang kwarto.
Indi man nila mahambal nga ini ang nastroke bangod may nakita nga mga dugo sa biktima.
Suno sa asawa, kun ikumparar sa iya nga 66 anyos, mas mabaskog pa ang iya bana nga 82 anyos.
Ang mag-asawa ang may pito ka kabataan. Samtang, Aminado ang construction worker nga isa sa mga una nga nakakita sang bangkay sang 82 anyos nga nasapwan sa Prk NEDF, Brgy Handumanan, Bacolod City, nga makapila na nga ginsulod ang balay.
Ang biktima ang ginkilala nga si Seigfredo Magalona, 82 anyos.
Pahayag sang construction worker nga sila ang nagsulod sa trabaho alas-7:30 sang aga.
Ang balay nga anay boarding house ang ginapakay-o sang bata sang senior citizen nga yara sa abroad, kag ginpadugangan sang second floor.
Pag-abot, bukas na ang balay kag nagasiga man ang suga kag naga-andar ang electric fan.
Ang mga ini ang nagderetso saka sa ginakay-o nga ikaduha nga panalgan, kag magaplastar na kuntani sang mga extension sang kit-an ang biktima nga yara sa banyo, kag may-ara na sang mga dugo.
Gilayon man sila nga, nagpanaog kag nagreport sa pastor nga nagaserbe nila nga contractor.
Pahayag sang construction worker nga apisar pwede sila makatulog sa ginakay-o nga balay, sila ang nagapuli-puli bangod makaduha naman sila nga ginsulod sang kawatan.
Ang una nga ginkawat amo ang ila mga materyales, samtang welding machine naman sa ikaduha.
Gani ginalantaw nila nga mahimo ginsulod ang tigulang samtang naga-isahanon sa balay, ilabi na nga sang nasapwan ang bangkay sa CR sa sulod sang kwarto, ang doorknob sang kwarto ang nahigot sang alambre sa gwa.
May CCTV man suno diri sa balay, apang wala na nila gindetalye kun sa diin nakahamtang.
Ginalantaw na ang CCTV footage sa balay kun sa diin nasapwan nga patay kag duguon ang 82 anyos nga lalaki sa Prk NEDF, Brgy Handumanan, Bacolod City, kasubong man ang mga CCTV footages sa palibot.
Ang biktima ang ginkilala nga si Seigfredo Magalona, 82 anyos.
Sa interview sang Bombo Radyo Bacolod kay Police Captain Lelanie Lagoting, station commander sang Bacolod Police Station 10, ginahulat pa nila ang assessment sang Scene of the Crime Operation (SOCO) sa biktima, agud matumod kun ano ang rasun sa kamatayon sini.
Napahibalo man sa ila nga may natabo na nga pagpanalod kag pagpangawat sa ginakay-o nga balay, kag sang Agosto, nacapture sang CCTV camera ang nagapangsulod, apang indi makilal-an bangod mata lamang ang makita.
Sa karun, gina-usisa na sang bata sang biktima nga yara sa Dubai ang CCTV footage.
Luwas diri, may mga CCTV camera man sa mga kaingod nga balay kag repair shop nga ginpadal-an naman nila sang request.
Nagalaom si Lagoting nga sila ang may makuha nga footage nga makatumod sa suspect nga nagsulod sa balay kag nagpatay sa tigulang.
Pahayag sini nga may mga persons of interest naman ang mga tawo sa palibot nga ila man tutukan sa imbestigasyon.
Pasalig ni Lagoting nga indi sila maga-untat tubtob indi masobar ang kaso.
Ginahulat pa sang Bacolod Police Station 10 ang resulta sang eksaminasyon sang Scene of the Crime Operation (SOCO) sa bangkay sang 82 anyos nga lalaki nga duguon sang nasapwan-patay sa sulod sang iya ginapakay-o nga balay sa Brgy Handumanan, Bacolod City agud matumod kun may foul play sa krimen.
Ang biktima ang ginkilala nga si Seigfredo Magalona, 82 anyos.
Sa interview sang Bombo Radyo Bacolod kay Police Captain Lelanie Lagoting, station commander sang Bacolod Police Station 10, wala sang paglinapta sang mga pagkabutang sa kwarto kun sa diin nasapwan ang tigulang.
Nahibaluan nga isa sa ginalantaw motibo kun may natabo gid man nga krimen amo ang mahimo pagsulod sang kawatan.
Ini bangod makaduha na nga ginsulod ang ginakay-o nga balay kun sa diin nakawat ang mga gamit sang construction workers sa una, samtang welding machine naman ang ginkawat sa ikaduha.
Pahayag sang construction worker nga sa pagsaka sa ikaduha nga panalgan sang balay, nga ila pa talapuson, nakaduko ini ang nakita sa bahin nga wala pa sang kisame nga nagahamyangon na ang biktima sa banyo, kag may-ara na sang dugo.
Samtang wala man sang tinulo sang dugo sa sulod sang balay, gani ginalantaw nga ini ang napatay sa mismo nga banyo.
Nakita ang bangkay pasado alas-7:00 sang aga.// Nagalaom sila nga sa bulig sang komunidad kag mga CCTV footages, makilal-an ang suspect.
Suno diri, may duha ka CCTV camera sa sulod sang balay, kag may-ara man sa gwa.
