Patay ang isa ka lalaki samtang pilason naman ang live-in partner kag bata sini matapos mabungguan sang Ceres bus ang ginamaneho niya nga motorsiklo sa National Highway, Purok Ubay, Barangay Lag-asan ciudad sang Bago kagab-i.
Sa impormasyon nga nakuha sang Bombo Radyo Bacolod, ginkilala ang napatay kay Jay-ar Toledo, 33-anyos kag driver sang motorsiklo samtang pilason naman si Edfe Hilario, 32-anyos kag ang apat ka tuig nila nga bata.
Base sa inisyal nga imbestigasyon, padulong sa sur ang direksyon sang bus nga ginadala ni Jerry Pasague, 44-anyos.
Hana kuntani nga ma-overtake ang motorsiklo apang insakto man nga nagliko ang bus pawala rason nga nalab-ot ang motorsiklo nga ginasakyan sang mga biktima.
Sa karon, nakahunong sa custodial facility sang Bago City Police Station si Pasague samtang ginabulong naman sa ospital sanday Hilario kag ang bata sini.
