Patay ang isa ka lalaki sa Purok 3, Barangay San Jose, Binalbagan, Negros Occidental matapos nga makapila ka beses nga bun-on sang kaupod sa pag-inum.
Suno kay P/Maj. Fernando Somblingo, hepe sang Binalbagan Municipal Police Station, nasapwan ang bangkay sang biktima nga ginkilala kay Bryan Lañojan, 33 anyos, may asawa kag residente sa Had. Carmen, Barangay Progreso, Binalbagan, Negros Occidental sang Miyerkules.
Ang suspetsado ang ginkilala kay Elmer Tabuga, single kag residente sa Putrok 2, Barangay San Jose, Binalbagan, Negros Occidental.
Suno kay Somblingo, nagainum ang biktima kaupod ang lima pa Ka katrabaho sa barracks sang Martes.
Una nga nagpauli ang tatlo sa mga ini kag ang tatlo naman ang nabilin kalakip na ang biktima kag suspetsado.
Nag-inaway ang mga ini kun sa diin nagka-black-eye ang suspetsado, gani ginalantaw man nga nagbalos ini.
Santo sa imbestigayson, nagbaligya pa sang pala ang suspetsado nga si Tabuga sa balor nga P500 sang aga kag gilayon nga nagsakay sa motorsiklo padulong sa wala mahibaluan nga dereksyon.
Samtang sa pagpadulong naman sang watchman sang hacienda nga si Jose Noel Gestalao, ginkatingala sini kun ngaa sirado ang puertahan sang barracks apang natukiban nga nakabalabag sa likod sang puertahan ang lamesa.
Gilayon naman sini nga ginlili ang sulod sang barracks kag natukiban ang wala na sang kabuhi nga si Lañojan nga nag-angkon sang madamo nga pilas tuga sang pagbuno.
Suno kay Lañojan, may crack man sa likod sang ulo sini kag ginalantaw ginlampusan sang likod sang wasay bangod sa nakita nga dugo sa gamit.
Sa karun, nagapadayun naman ang hot pursuit operation sa nagpalagyo nga supetsado.
