Patay ang isa ka lalaki matapos nga ginbuno sa Hacienda Chrisjun, Barangay Jerusalem, ciudad sang Cadiz, Negros Occidental kahapon sang kaagahon.
Ginkilala ang biktima sa kay Melvin Tumdandan, 42 anyos samtang ang suspek ang na-identify sa kay Ferdinand Lopez, 41 anyos.
Sa interview sang Bombo Radyo Bacolod kay Police Lt. Col. Gil John Despi, santo sa imbestigasyon, ginsaway sang suspek ang biktima kun sa diin nagkalma man apang nagbalik liwat ang biktima kag nagluntad ang inaway nga gintunaan sang pagbuno ni Lopez kay Tumdandan.
Si Lopez ang nadakpan man sa bulig sang Barangay officials sang Barangay Jerusalem kag nakahunong naman ini sa Cadiz City Police Station.
Suno kay Despi, desidido naman ang live-in partner sang biktima nga magpasaka sang kaso batok sa suspek.
