Nagahamyangon kag wala na sang kabuhi ang isa ka lalaki sa kalsada sa bahin sang Purok Sigay, Brgy. 2, ciudad sang Bacolod matapos ginlabo pasado alas-7:00 kagab-i, Setyembre 21.
Sa interview kay Police Major Rondyl Tapang, officer in charge sang Bacolod Police Station 2, base sa panaysayon sang mga nakasaksi sa komosyon, may naglagas nga tatlo ka lalaki sa biktima apang isa lamang ang naglabo diri.
Nakaangkon ang biktima sang pilas sa nawala nga bahin sang iya liog kag nawong.
Base naman sa ginpahayag sang partner sini, ispading ang gingamit sa paglabo.
Suno kay Tapang na-identify na ang isa ka suspek kag gilayon nga nagpatigayon ang kapulisan sang hot pursuit operation kagab-i.
Suno diri, may nakaligad na nga criminal record ang nasambit nga suspetsado.
