Patay ang isa ka lalaki matapos ginluthang pasado las-6:00 kagab-i sa Purok Riverside, Brgy. Montevista ciudad sang Bacolod.
Ang biktima ginkilala kay Jonathan Datoon, 25-anyos sang nasambit man nga barangay, may asawa apang separado na kag nagatrabaho ini sa Dubai kag may isa sila ka bata.
Suno sa 17-anyos sini nga manghod, nagahampang ang biktima sang basketball sang ginbantayan na ini sang mga suspetsado.
Suno diri, temprano pa ang duha ka pangayaw nga lalaki nga nag-istambay sa isa ka tiangge malapit sa basketball court kun sa diin nagahampang ang iya magulang.
Samtang yara ang mangod sa sulod sang computer shop ginhambalan ini sang iya migo nga pasudlon sa ila balay ang iya magulang bangud kaangay nga ginabantayan ini sang duha ka pangayaw nga lalaki, diri kag gin senyasan man niya ang iya iloy.
Sang ginsenyasan sang ila iloy nga magsulod sa ila balay ang magulang diri kag ginlagas na ini sang mga suspetsado.
Nakalab-ot pa sa pwertahan sang ila balay ang biktima sang ginluthang sang makapilas ka beses sang suspetsado kun sa diin gintuyo pa nga punggan ang mga ini sang ila iloy.
Suno sa manghod may yara sang apat ka igo sang armas ang likod sang iya magulang.
Matapos ang pagpangluthang nagpalagyo ang duha ka mga suspetsado pasaka sa taytay kun sa diin may nagabantay naman nga lalaki nga naga-drive sang motorsiklo nga ila ginsakyan palagyo.
Nagapati naman ang utod nga ginbalusan ang iya magulang bangud nga nakapanugid ini nga nakakita ini sang kontra mga duha ka na ka bulan ang nakaligad.
