Patay ang isa ka lalaki matapos ginluthang kag ginlabo sa Purok Saging, Barangay Gil Montilla, siyudad sang Sipalay.
Ang suspetsado ang ginkilala nga si Ryan Bandiola, 32 anyos, residente sang nasambit nga lugar samtang ang biktima naman ang ginkilala nga si Marvin Amalla, residente sa 7th Avenue, Barangay San Jose, Sipalay City.
Sa imbestigasyon sang kapulisan, magkaupod ang duha nga naga-inom sa balay sang suspetsado, apang may nagluntad nga argumento sa tunga sang mga ini nga nagresulta sa pag-iskandalo sang biktima.
Sa interview sang Bombo Radyo kay Police Major Bryan Sagayadoro, hepe sang Sipalay City Police Station, gintiro sang suspetsado ang biktima, kag gilayon pa gid ini nga ginlabo sa likod.
Gindala sa ospital ang biktima apang gindeklarar nga dead on arrival.
Sa karun yara na sa kustodiya sang Sipalay City Polcie Station ang suspetsado matapos nga ini ang boluntaryo nga nagsungka sa kapulisan.
Ang suspetsado ang ginserbehan naman sadto sang warrant of arrest sang tuig 2020 sa kaso man nga pagtiro-patay sa isa ka persona.
