Patay ang isa ka lalaki matapos nga mabungguan sang ceres bus sa Yunque corner Gurrea Street Barangay 3, ciudad sang La Carlota, kagab-i, Agosto 17.
Ang drayber sang ceres bus amo si Dino Montero, 41 anyos, kasado, residente sang Purok Porgreso, Brgy Taculing, ciudad sang Bacolod samtang ang biktima naman amo si Jarell Joseph Ledesma, 25 anyos residente sang Rosario Heights, Brgy Taculing, ciudad sang Bacolod.
Sa interview sang Bombo Radyo Bacolod kay Police Lt. Col. Lymel John Pasquin, hepe sang La Carlota City Police Station, nagabyahe ang ceres bus gikan sa nakatungdan nga direksyon padulong sa nasidlangan samtang ang biktima ang nagabyahe gikan sa norte padulong sa sur nga direksyon.
Paglab-ot sa Yunque cornes Gurrea Street nagluntad ang aksidente kun sa diin nag-agom sang head injury si Ledesma nga wala sang suksok nga helmet.
Gindala pa sa ospital si Ledesma apang ini ang ginbawian sang kabuhi, samtang si Montero naman sang ceres bus ang temporaryo nga yara sa kustodiya sang La Carlota City Police Station.
