Nakita na ang awto nga naghit-and-run kag nakapatay sang driver sang motorsiklo sa Bacolod-Negros Occidental Economic Highway (BANOCEH), Burgos Extension, Brgy Granada, Bacolod City sang Domingo alas-12:45 sang kaagahon.
Napatay sa insidente si Abcil Castillo, 41 anyos, residente sang Hda Carmen, Brgy Granada nga nagadala sang itom nga Honda XRM nga motorsiklo.
Sa interview sang Bombo Radyo Bacolod kay Police Lt. Col. Ramil Sarona, head sang Traffic Management Unit sang Bacolod City Police Office, grayish blue nga Totoya vios nga may plate number DAV 1025 ang nakabunggo sa biktima.
Ginapahayag nga nagdulog pa sa unhan ang suspect kag ginpanaogan agud tsekyaron ang biktima apang gilayon man nga nagpalagyo.
Dead on the spot ang biktima matapos maglabog bangod sa kakusog sang impact.
Dugang pa sini nga naglabog man sa impact ang helmet nga suksok sang biktima, gani ini ang ginbawian sang kabuhi.
Suno kay Sarona, nakabatun sila sang impormasyon nga nakita ang salakyan sa Barangay Villamonte, Bacolod City, apang wala makita ang driver.
Pahayag sini nga may gincontact nga isa ka mekaniko agud ipakay-o ang salakyan nga ginbilin sa Brgy Sum-ag kag ginguyod padulong sa Brgy Villamonte agud kay-uhon.
Kag santo sa damage, nakumpirmar nga ini ang nakabunggo kay Castillo.
Sa karun wala pa matumod kun sin-o ang driver sang awto, apang sila ang may narecover nga Identification (ID) sa salakyan, kag ginatumod pa kun ang nasambitan nga persona amo ang nagadrive sang salakyan sang matabo ang pagbunggo.
Panawagan ni Sarona sa sin-o man nga mahimo nakakilala kag nakakita sa suspect, nga makig-angot sa ila agud ini ang mapapanabat sa nahimo nga krimen.
Kun ma-identify kag magsugot ang pamilya sang biktima, mahimo pasakaan sang kaso nga Reckless Imprudence Resulting to Homecide and Damage to Property ang suspetsado.
