Wala na sang plano nga magpasaka sang kaso ang pamilya sang lalaki nga nasapwan patay matapos nakuryente sa kudal nga may live wire sa ciudad sang Talisay.
Una diri, nasapwan na lamang ang biktima nga si Joey Kundiman, 35-anyos nga patay na matapos nakuryente sa kudal sang propiedad nga ginapanag-iyahan man lang sang iya nga tiya sa Purok Rosal, Brgy. Zone 10 alas-11:00 kahapon sang aga.
Suno kay Police Lt. Rey Cordero, Deputy Chief sang Talisay City Police Station, ginbutangan sang live wire sang tag-iya ang ila kudal bangud sang damlag lang, ginakawat ang ila ginasagod nga mga kanding, baboy kag pabo sa ila propiedad nga nagalapad sang isa ka hectare nga ginabantayan man sang iya bana.
Nasapwan ang biktima nga may paso sa kamot.
Samtang ginpahayag naman sang utod sang biktima nga indi na sila magpasaka sang kaso batok sa ila nga tiya kundi mangayo na lang sila sang bulig nga mapalubong ini.
