Patay ang 24 anyos nga lalaki sa nagluntad nga aksidente sa Brgy Bata, ciudad sang Bacolod, kagab-i, alas- 8:40 sang gab-i.
Sa interview sang Bombo Radyo Bacolod kay Police Major Ramil Sarona, Chief of traffic management, sakay sa motorsiklo ang 24 anyos nga si Kevin Karl Cabus, residente sang Purok Ilang-ilang, Poblacion, ciudad sang Bago kag nagabyahe ini sa nasidlangan padulong sa nakatungdan nga dereksyon.
Samtang, ginamaneho naman ni Michael Angelo Advincula, 45 anyos, residente sang Brgy Bata, ciudad sang Bacolod, ang salakyan sini kag paglab-ot sa area of incident, nagleft turn si Advincula samtang madasig naman ang byahe ni Cabus nga nakabunggo sa salakyan.
Suno kay Sarona, bangod sa impact, napatay si Cabus samtang si Advincula naman ang yara sa kustodiya sang Bacolod Police Station3.
