Pilason ang isa ka lalaki matapos ginluthang sa barangay Banago, Bacolod City, kaina alas- 8:20 sang aga.
Ang biktima ang ginkilala nga si alyas Bebe samtang ang suspek naman ang ginkilala nga si alyas Nonoy.
Sa interview sang Bombo Radyo kay barangay Kagawad Richard Cordova, nakabati ini sang linupok gani gilayon siya nga naggwa sa balay.
Nakita niya sa dalan ang duha ka empty shell sang calibre 45 kag isa ka bala nga wala naglupok.
Suno diri, tatlo ka beses nga nagpalupok si Nonoy apang ang ikatatlo wala naglupok amo nga liwat sini nga ginkasa ang bitbit nga armas luthang.
Nag-agom sang igo sa paa si Bebe kag nahimo pa sini makapalagyo apang ginlaot siya ni Nonoy kun sa diin liwat ini nga nagpalupok kag na-igo ang pertahan sang isa ka balay.
Gindala si Bebe sa ospital samtang si Nonoy naman nakapalagyo.
Pahayag ni Cordova, wala nahibaloan kun ano ang rason kun ngaa gintiro ni Nonoy si Bebe.
