Pilason ang isa ka lalaki matapos ginlabo sang ginapahayag nga may deperensya sa paminsaron sa Purok Kahirup B, Brgy. Mansilingan, Bacolod City sang Pebrero 21, 2026 sang gab-i.
Ginkilala ang biktima kay alyas Jonel, 31 anyos kag ang suspek ang ginkilala kay alyas Amed, 29 anyos, lalaki, single kag lunsay mga residente sang Purok Kahirup B, Brgy. Mansilingan, Bacolod City.
Sa interview sang Bombo Radyo Bacolod kay Police Captain Jay-R Reyes, santo sa imbestigasyon sang mga kapulisan ang biktima ang nagsag-ob sang tubig kag wala sang madamo nga estorya ginlabo ini sang biktima gamit plamingko.
Nakaagom sang pilas sa magkatuhay nga bahin sang lawas ang biktima kag yara na ini sa maayo nga kahimtangan matapos nga madapatan sang first aid sang nagresponde nga medical responder.
Nakahunong na ang suspek sa Bacolod Police Station 7 kag napreparar naman ang mga dokyumento ingkaso nga magpasaka sang kaso ang pamilya sang biktima batok sa suspetsado.
Nagpadulong man ang iloy sang biktima sa police station agud nga magpresentar sang medical certificate nga nadiagnose ini sang Schizophrenia.
